SagaPro

Notað við tíðum þvaglátum

SagaPro er unnið úr laufum íslenskrar ætihvannar og er ein mest selda náttúruvara á Íslandi.

SagaPro er mikið notað af karlmönnum sem þjást af tíðum næturþvaglátum vegna góðkynja stækkunar í blöðruhálskirtli.  Konum og körlum með ofvirka blöðru hefur einnig þótt SagaPro hjálpa sér.  Klínísk rannsókn á SagaPro stendur yfir og vonir standa til að hún endurspegli þá góðu reynslu sem viðskiptavinir okkar hafa haft af SagaPro.

Rannsóknir á lífvirkum efnum í hvannarlaufi 

Ætihvannarlauf innihalda svokallaða flavónóíða. Rannsóknir benda til þess að slík efni geti haft slakandi áhrif á sléttar vöðvafrumur, eins og þær sem fyrirfinnast í þvagrás og blöðru. Virkni flavónóíða er talin hindra samdrátt í blöðru og þvagrás, en slíkur samdráttur getur átt þátt í aukinni tíðni þvagláta.

Tíð þvaglát

Tíð þvaglát eru algeng og geta átt sér margar ólíkar orsakir:

• Góðkynja stækkun á blöðruhálskirtli
• Bólga í blöðruhálskirtli
• Ofvirk blaðra
• Blöðrubólga
• Aðrar, sjaldgæfari orsakir

Stækkun í blöðruhálskirtli er oftast góðkynja, en getur einnig verið krabbamein. Mikilvægt er að leita til læknis ef þvaglát eru tíð, þar sem orsakir geta verið ólíkar. Á það sérstaklega við um karlmenn.

SagaPro er fáanlegt í heilsuvöruverslunum, apótekum, stórmörkuðum og Fríhöfninni. Einnig fáanlegt í vefverslun SagaMedica.

Algengar spurningar um SagaPro